یانهر کارون انته اشگد عریق
وانته تاریخ الوطن بیک انکتب
انته تاریخک قبل های البشر
لیش مایک منقطع شنهی السبب
انته من بطن الطبیعه اتولدت
او مای زودک ینفخ ابشط العرب
هما رادوا لطبیعه ایغیرون
او رادوا ایموتون کل هذا الشعب
اوصادروا مایک اوعلوا سدته
او وصلوه القم سووله مصب
او کل هلک عطشانه کاتلهه العطش
او مای صالح مانحصل للشرب
****
او نهر کارون العظیم اصبح شحیح
او گاعه یبست و النخل مابیه رطب
النخل گصوه و حرگوه الزرع
او نار مانشعل بعد ماکو حطب
و اکثر العربان هیه هاجرت
او هجروا بالقوه کل های النخب
و احنه مانصبر علی الذل و الظلم
لازم انثور و نصب نار الغضب
****
لازم انثور و نحرر هالوطن
و نرجع المای اویه حگنه المغتصب
او نرکب الخیل و نغیر ویالفجر
اونعلگ النیران و نزید اللهب
او ذوله هم عدوانه ماهم بشر
او هما لاعدهم اصاله و لانسب
و احنه کون انزیل های الشرذمه
او نهزم العدوان ذوله اهل الشغب
یانهر کارون ارجوا المعذره
و انته زود البیک من زود العرب
ابن الکرخه 21/10/2013
