فی بلادی
السان قلم الشاعر اخرس
ولقصیده …بخوف ظلت خاف یکتبه او یذبحون القصیده
فی بلادی الشعر شیب راسه من کثر المأسی…من کثر مایکتب اهمومه الجدیده
فی بلادی الخوف غیم…وبسمه گلوب الشعب…ظل یمطر او نسمع رعیده
او گلی بلله شلون نتنفس اذا حته الهوا مخنوگ نفسه
ولفرح مثل الحلم …ینشاف بس محد یلمسه
اخ من جور اللیلی …الیجلد ابظهر الصبح…سوط الظلام
ولظلم جانه اوتریئس علی
کرسی انفاسنه ابهیئة امام
اوگام یحکم
اوگام یأمر
اوگام ینهی
اوگال ما مرخوص تحلم
اوگال مامرخوص واحد
یغفا ویشوف المنام
خاف من ینام واحد
یحلم او یلگه السلام
اویاسلام
اشلون نحلم بسلام
وحنه مثل الرگبه عشنه
ابحلگ سچینه اوسهل ذبح الحمام
اویا امان ولامان ابهل بلد گاعدیدور عل امان
ولزمت بیدی القلم … وکتبت
اشعاری العفیفه…ابللیل
وحشه اومن نمت گعدیت
بس ماشفت راسی
او گمت ادوری عله راسی
وین راسی
وین راسی
اوخلهم یگطعونی راسی
راسی من ینگطع صح انه
اموتن بس یظل عایش احساسی
ولفکار الشیدن
ثورة بوجودی اتشوفهن
بوجوه ناسی
ولوطن مثل الحسین
اوشعبه عبدالله الرضیع
اوحرمله یبقى السیاسی
للمبدع سيد حكيم الشبري
2013/5/8
