هم شك عندك وترديد؟
هم تسأل بعدوتعيد؟
يمته العيد؟يمته العيد؟
شعـَيّدوالوطن محتل؟
وعيب الگال عيد إسْعـِيد
ماعَـيّدابدهيهات
ولاعدن بعد للعيد
مامرن بعد بفلان
ولا البس لباس جديد
ماخدر بعد گهوه
وخليهه الدلال تبيد
وما افرش بعد ديوان
ولاحيي اليجي من بعيد
وگص السان اليچذبون،
كافي بلچذب تغريد
انهَب من سموم الصيف
وحرگ گصة التبريد
اگلـُب ليل المهودات
وخليهه برق ورعيد
وبوگن نوم المنعسات
ودچ رمحي اليريديصيد
وشدن سرج الكحيلات
وغيرن بالسمه وبلبيد
ادور علحرب والموت
وعيب اسكت بعد وَ هيد
ما انسىٰ الوطن ماخوذ
وعرف يومه بلتحديد
اطلب ياوطن ياروح
مني اشتطلب وشتريد؟
آخذ من وكت ميشوم
شجعان والف صنديد
وعنادي اعله هلتحرير
ماينگص بعد ويزيد
فاضل الاحوازي..نموت ويحيى الوطن
