هله ابنيسان ،ذكرك أبد ما أنسى
و كل يوم اليهل عشگ الوطن يكبر
و من اسمع صدى الاحواز بلأخبار
گلبي امن العشگ مايحمل و ينطَر
و ادموع الحنين أتريد تملي الشوگ
بس شوگي وطن ما ينملي ويصغر
يا نيسان ايامك انجوم ابليل موطنه
و هلالك بدر بخمسطعش يسحر
يا نيسان هبِّت ابفرح و أحزان يومية
وبعشرين ، گلبي من العصر يِنشَر
عشرينك جرح ما يرحم ابشريان
بس عهد الوطن باقي و أبد يفتر
يا نيسان يا فخر النضال و دوم
انته الانتفاضة و اسمك امسطّر
و رايات النصر علّت ترا علّت
و الثورة أصبحت بركان تتفجر
هب و ثور علطاغي ابشعب مغوار
و خلي الاُمهات اتهلهل و تِنْسَر
و صيح ابصوت يا أحواز يا أحواز
يبا، يتحرر وطنه و تالي يتحرر
و نكتب يا شهر نيسان يا ثورة
تبقى انت الأمل و المسك و العنبر
و ما أنسى الشهيد و ما أظن تنسى
ذاك الكتب من دمّه الوطن مفخر
