من زغر گالتلي امي هالوطن مو للغريب
و يبني ترچيه اباذانك خلهه حد بان المشيب
لو تساوم خصمك ابني امحرم اعليك الحليب
و ما ارضي اتگول ابن افلانه
*****
شفت من الدنيه كلشي و ما يهم بيه التعب
نذر ناذر روحي لهلي و فدوه دمي الهالشعب
ما لعبت ابكل ملاعب من زغر چان اللعب
بالحومه و تشهد عدواني
****
گیدنی الخصیم احبال و مشانق علگ اگبالی
حسباله اعله حبل الموت یگدر یرعب احوالی
مثل النخل گتله انموت و تظل الروس بالعالی
ما نرغب موت اعله اوساده
***
الحگ لوله عنده ارجال تطلبه و تمشی بدروبه
من حلگ السبع لو چان تطلع احگوگ مسلوبه
شعب البالقلم یمتاز دوم اعداه مروبه
و تتحذر چیلات اقلامه
***
الرجل موقف کرامه و مرجله و همه و عزم
و الی مد چف المذله ما نعده امن الزلم
الرجل کون ابساعة الصد نار کبره و یلتهم
کل عایل داس اعله احدوده
***
انا من نسل العروبه و العرب کلهم هلی
و هالارض اهواز اسمهه من زمان الاولی
ما قبلت الذل یعمی و ما گلت چلمة بلی
للراد ایحلل بوگاته
رافگت المنايه اسنين تشهد حومتي ابهايه
من صاح الوطن عالجور ثرت وي الحمه الثايه
قسمت ابحب نهر كارون و دمي انخبط وي مايه
للموت اصرخ انا اهوازي
****
شددني الخصيم احبال و مشانق علگ اگبالى
وكل ظنه اعله حبل الموت يگدر يرعب احوالى
مثل النخل گتله انموت و تظل الروس بالعالى
ما نرغب موت اعله اوساده
***
من سمعت اصياح گومی فار بعروگی الدمه
وشمرت زند الکرامه وصحت وسط الموزمه
الیوم یوم اهل القضیه الما فزع ماهو ازلمه
ولما ینهض یلبس شیله
الشاعر عبدالحسین الباوی
