مابين حزن وقهر
طاحن ثلاث اشموع!
الماس يلمع نزل
ما چن عباره ادموع!
دمعه اعله شان الوطن
ودمعه عليهْ اتلوع
دمعه اعله ضحك الذي
كله ابچذب مصنوع
طاحن جمركلثلج
بحضاني كلهه اتموع
ادموعي بيهن عجب
اصلا فلا مسموع
ساعه يطيحن ورد
ساعه رمح ودروع
بيهن سوالف عـُمُـر
بيهن الف موضوع
بيهن درس من زمن
تاريخه هلمزروع
حب الوطن تضحية
مو بس حچي مبيوع
ادموعي كلهن الم
غربة وگلب مشلوع
بيهن طفل من عطش
نايم يندهه الجوع
اشلون افهمك ولك
ابياشكل يانوع؟
حتى الدمع مختلف
مثل الحچي الممنوع!
فاضل الاحوازي…نموت ويحيى الوطن
