قصيدة المساومون بالقضية بقلم شاعرها ابن الكرخة الاحوازي

كتبت هذه القصيدة فترة الانتخابات الايرانية و مشاركة العرب و تصويتهم للانتخابات الغير شرعيةو عنوانها ..

((المساومون بالقضية))

ليش ترخص روحك انته او تعطي راي
او ليش گمت اتساوم ابدم الشهيد

امس عدمو ابنك انته اعله الصلاه
و ابن عمك راح و اصبح هم فقيد

و الجرم هو محارب للاله
او هم نصحتك و النصح چن مايفيد

ليش تتنازل تروح او تنتخي
و انته خل رايك مثل قولك سديد

و انه گتلك لا يغشونك بعد
ذوله هما افلسو ما عدهم رصيد

ذوله هما اصبحو من المفلسين
راي لا تعطي و تبايع من جديد

انه انصحك لاتصوت للفرس
ذوله اهم عدوانا اليوم الوعيد

لاتخون انته الامانه و العهد
و الوطن هوه امانه ابرگبت الزين العتيد

***********
انته رايك تدري بيه اشگد ثمين
لا ترخصه انته او تصير امن العبيد

انته حر او انته اصلك يعربي
و انته زودك زود كارون العنيد

ليش تتخاذل و حقك هم يضيع
و انته صوتك صار اعله امن الرعيد

انته صوتك شاع ما بين الأمم
لا تأمن بالوعود او بالوعيد

او لا تبدي مايك انته اعله السراب
ما شبعت امن الدجل و امن المكيد

ذوله اهم خداع ما عدهم عهد
ايبايعونك ذهب تصفه اعله الحديد

و انته هم تعرف حچيهم بس چذب
القريب العدنا اهم عدهم بعيد

و انه هاي اخر وصيه مني لك
و انته ضل ابعزتك خلك شديد

او لا اتبايعهم تروح او تعطي صوت
ما تحصل بس مذمه بلا حميد

***********
او لا تبايعهم تخون انته الوطن
و اليخون الوطن كل عمره وحيد

الوطن ينخاك لا تتعذره
ثور خل اعداك تلهم بالصديد

سوها ثوره او ثور ضد اهل الضلال
او لا تخليهم يعيشون ابرغيد

لا تساوم بالوطن مهما يكون
حتى لو طال الزمن وكته مديد

لازم انثور او نحرر هالوطن
انرجع الاحواز و المجده نعيد

“مع تحياتي ابن الكرخه الاحوازي”