عوف (( داعش )) ، عوف حچی الماله ساس ،
و إنطمر بل بیت و إستر بیتک ،
و اذا انته کفو و گد الحچی التحچی ،
گوم ابهل ظهر حرر قضیتک ،
ملینه امنل چذب و الضحک و إستهزاء ،
و شفنه اشصار من باگو عروبیتک ،
لا یوم إفزعت لا صحت (( یا الله )) ،
لا مره إبغضب رفعیت چفیتک ،
تبین بس حچی و عربده إبتالی ال لیل ،
و ملاگه البل شعر خاطیر تلبیتک ،
کافی امنل جهل مللینه یفلان ،
عوفه و عل فهم خیکون تثبیتک ،
اول عین أرضک تالی أرض الغیر ،
و إبعالی المعالی إتفاخر إبصیتک ،
اول إخذ حگک تالی حگ الغیر ،
و إفخر من تفاخر بیک أهالیتک ،
اول حفظ عرضک تالی عرض الغیر ،
لئن إبشرف راح إتکون ترقیتک ،
اول شیل نفسک عل غزوک إبلیل ،
تالی إبوجه (( داعش )) شیل شبریتک ،
و عوف إفلان شنهو ایگول وی فلتان ،
و إتبع درب عزتک درب قومیتک ،
و لا تسکت عله الحگ آنه راح اوصیک ،
لئن لو تسکت انته إتموت شخصیتک ،
و لا تحبی حبی و تلعب عله الحبلین ،
یوم إتطیح بیهه و تندم إبنیتک ،
و لا تحفر حفیرة سوء للغیر ،
المثل مگیول بیهه إتطیح تالیتک ،
و بالک لا تخون الأرض فد یوم ،
لئن أرضک ، أمانک ، ستر ، فی بیتک ،
مو بس بل حچی و اتگول آنه الحید ،
فد مره إبفعل ثببت رجولیتک ،
صیر نار العل یباس إتثور ،
و إفزع کل غضب ،،،،، (( دمرو فلاحیتک ، ))
( دانیال عساکره )
