لانی نایم و لانی واعی اوچن سمعت آنه خبر
گالو الثوار گامت شعب الاحواز انفجر
گالو الاحواز گامت خبر عاجل بالجزیره
او شاعت الاخبار کلها و الخبر هم انتشر
و آنه ماکملت نومی آنه فزیت ابرعب
او شفت کل الناس طلعت تهتف اترید النصر
****
او شفت کلها الناس گامت تهتف اباسم الوطن
وتجمعت شیب و شباب و صار موعدنا الجسر
او فزعت الثوار کلها او اجت متحزمه الزلم
او گالو احنه انسوی ثوره او کون ثوره تستمر
و المحشم ضل یحشم و المهوس گال حیهم
یا عمامی یا خوالی الیوم تالیت العمر
و الیوم موعدکم یخوتی و الحرایر هلهلن
او شالن البیرق بدیهن و العدو هم انزجر
****
گالوا الثوار گامت شعب الاحواز انتفض
و العدو محتار بامره ایدور ایرید المفر
وآنه چنت اسنین ناطر گلت لابدهم نثور
و انحرر احنه الگاع کلها او نهزم الهاذه القذر
نهزم العدوان کلها او هم نبید الهل الطغات
او نحمی دیرتنا او اهلنا او هم نزیل احنه الخطر
****
کل شعبنا الیوم حاظر هوست کل العرب
او حتی المسافر تعطل گال بطلت السفر
او حتی کرختنا العزیزه انتفضت اوهم شارکت
او نهر کارون العریق اختاض مایه اومانحدر
او ثار بردینا او گصبنا او صارت الثوره عظیمه
او فرحت الگاع اباهلها و النخل وی الشجر
او کلها های الناس ثارت بعد ماتحمل ظلم
او زالت الخوف او تحدت حاجز الخوف انکسر
****
و احنه منتظرین کلنه اوهم وصل یوم الحسم
او کلها صاحت فرد صیحه بعد مانحمل قهر
او حلفت الثوار کلها اوحلفو ابعزت الوطن
او گالوا انحرر وطنه امن الجبل الحد البحر
و الشعب کله ینادی ایرید تحریر الوطن
او گامت النیران تلهب و الوضع ما مستقر
****
و العرب گامت تهوس کلها ماخذها العزم
و الحرب شدت وزرها و العدو بیده انتحر
اندحرت العدوان کلها و الزلم کلها انتخت
او گالو الفرصه ثمینه او بعد لا ما ننتظر
لازم انرجع وطنه اشما یکلفنه الثمن
او مانعوف احنه الارضنا ارگابنا اتصیر السعر
****
او آنه های آخر وصیه اوصی بیها المانهض
گوم شوف الناس ثارت و انته نایم مندثر
لیش ماتنهض تناضل للقضیه و الوطن
و الوطن محتاج کلمن عنده غیره و مقتدر
او لاتصیر انته نعامه او تضم راسک بالتراب
ابجبل مشداخ العظیم اهناک سویلک مقر
و آنه اریدک حوم تصگر للصگور
او مااریدک طیر عادی او تنصگر
انته تدری بالوطن یعتب علیک
گوم ثور اوسوها ثوره او خل ثورتک تنتصر
و خل تورتك تنتصر
ابن الكرخة
