حينه حي لشكرآباد
ياحي النهضه الجميل
فرگتك تچوي الكباد
ياحي النهضه الحبيب
يمته اشوفك كافي عاد؟
ارد اسألنك سوال
وارجو رد بكل حياد؟
اشلون دوار الچبير؟
اشلون مسجدالعباد؟
اشلون تمثال الدلال
الغافيه بحضن الرماد؟
اشلون ذنيچ المنازل
الربت بيهه الامجاد؟
اشلونهن ذيچ الشوارع،
الابسه هدوم السواد؟
اشلونهن ذيچ الازقه
اللي تبچي من البعاد
اشلون شارع المطاعم،
اللي مايرضى بكساد؟
اشلون ملح الاولين،
الماعرف طعم الفساد؟
اشلون حب الاولي
الچان يتسمى سعاد؟
هم بعد صوت القطار
ايفزز عيون الرغاد؟
ياحي النهضه الشجاع
بعدك بذاك العناد؟
بعدك بذيچ الشراسه
وبعده اصبعك علزناد؟
هم بعدهي الغيره مخزن،
تنفجرمثل العتاد؟
آخ يا لشكراباد
ليت عدوانك تـُباد
ليتهه ارجالك تعود
ليت ماضيّك يـُعاد
فدوه الك ايرانهم
وفدوه الك كل البلاد
آخ يا لشكراباد
فاضل الاحوازي…نموت ويحيى الوطن
