مغيمه عالمنه حزن،تلمع،رعيد!
بيضه دنيانه ثلج تمطر جليد!
وانا طفله ولاجئه بوسطه الخيام!
والبردموس و يگص حبل الوريد!
طفله انا والعظم لابس سواد!
مثل ليل الشام من يسمع گصيد!
العواصف گطعت كل الحِـبال!
وطيرّت كل المخيم والحديد!
ظلينه مكشوفين ونشوف السماء!
والسما تبچي علينه وماتهيد!
لا حطب لا غازلا نارالتصير!
لاطبُخ لاخبزه توجدلاثريد!
لاغطا الموجود لا فرشه وسرير!
ترجف ايدي والبرد قاسي وشديد!
بالأمس خواني ماتوا بالخيام!
وانا هم انطر بعدموت الأكيد!
وين صاروا هالعرب وين الضمير؟
وابد ماشفنه فعل بس الوعيد!
طز شوارب ماربت عند النساء!
عالأقل بيهن رجوله وكل مفيد!
كل شي ضدنا والوكت لاعب خطير
وانا من شام العرب شعب العنيد
ابدماهمني الشتا وكل اللي صار
اليهمني الوطن،ابدمايبقىٰ وحيد
ابدلايبقىٰ وحيد..
فاضل الاحوازي..سوريا تنتصربأذن الله
