تظل روحي مدينه بساعة الإفطار
خليه وفاضيه تبچي شـوارعهــه
مدينه وتـحـتـرگ دارن. بـعــد دار
قهريحرگ لهيب الحب مشـارفهـه
الاياگلبي گلي شبيك شنهـوالصار؟
حزين وغـربتك تكسـر خـواطـرهــه
الايا نـاراكـلـي بـالـحشى يـانـار
وحرگي اخضـرويابس مـزارعهـه
الجمردربي وكمل كل خطـرمشوار
گلت ممكن الاگي من يناصرهــه؟
حرگت الـروح ورقـة عـِـزبدون ايثار
ولاريدن ابد ارحم مشـاعــرهــه
اگولنهه ابصدق وافضح هالاسرار؟
فضيحه وهالشعـر كـثـر مشـاكلهـه
لحد حد الوطـن تاخـذني الافكار
وترجعني الحقايق وين اسولـفهه؟
شسولف بس شگولن ضايع ومحتار
وعيب احچي واخافن من طلايبهـه
الحقـايق غـيـر يامـن تصنع اعـذار
واللي تشوفه العيـن مانگـدر نچذبهـه
اريد ارجع ودوسـَن كل الاخـطار
وحـَني راسـهـه بـدمي جـدايلهـه
عـروس احوازنا يا حـُب هالاديـار
عـمانـي والدمع راسم عـلايـمهـه
فاضل الاحوازي ..[email protected]
