لاتطلع بعد لو صار الغروب
واذا تطلع گبلها اكتب وصيتك
لاتطلع ابد فكر بلفراش
مثل ديچ العجم احضن سريرك
اخاف ابشارع ايطگوك سچين
واخوك ابن امك منيشن وريدك
سلابه الجماعه وكل شي اتبوگ
يبوگون الكحل فوگاهه عينك
صحيح ان البلد راكس بلخياس
وذاك اليشتريك اصلاً يبيعك
وصحيح ان الوضع فلتان وتعبان
وكل شي مختبص حنطه وشعيرك
وصحيح ان الاماني اتموت كل يوم
ولا كل شي التريده اتنوشه ايدك
وصحيح ان الفقر ساكن بلبيوت
وصحيح ان الصخر خبزة تليتك
صحيح ان المنابر صارت اسواگ
وبعد محد حلف الا ابلحيتك
صحيح الغيره ماتت وي الاموات
وصحيح ان الضمير ادوسه ريـِلَك
هم بعت المراجل بسم الادمان؟
ولاقطرة عرگ تندي جبينك؟
چا وين العروبه و وين الاخلاق
وظل كلمن غبريمشي ويهينك
لتعيب الوكت انت اللي خدران
لجل نقال اتقطع عضيدك
ليتك بالفگر اكثر من الفات
وبعد محد يحب ولا يريدك
هم تدري السترموبس للعيوب؟
اكبر عيب لو تنسه قضيتك
فاضل الاحوازي..نموت ويحيى الوطن
