الأدب و الشعر
في رثاء الشهيد الغريب ابو وائل محمد النواصري بقلم شاعرها فاضل الاحوازي
سال دمعي والقلم گلي اشلفاك ؟
گلي دمعك هذا بيمن ذكراك؟
الورگ نشف دمعتي،
گلي يمعود شجاك؟
ليش تبچي وليش تنحب
واحنا هم نبچي معاك؟
يابو وائل هذا حالي
لو احد يمي طراك
لو اشوف اصورك اللي
يبچن الفقدوعزاك
يابو وائل حيل حاير؟
مدري شكتب في ثناك؟
حتى خجلانه القوافي
من شموخ ومستواك
جَمّعِت كل القصايد
ماوفت تكتب رثاك
مدرسه انته وكل دروسك
يحچن بعلم وعطاك
ماطفت شعلة طريقك
والمشوا كلهم وراك
شمعه تضوي بهندس دروب النضال
نجمه تلمع في ثراك وفي سماك
حيف ياحزن الوطن
دورك بس ما لگاك
ياكبر حزن الوطن
من رحت ما ودعاك
من رحت ما ودعاك
فاضل الاحوازي
