سرينه أبليل مُوحش و بطرق خطره
و أخذنه دروس من الذيب
عيب أنصيد بالگمره
سكوت و وحشة الوديان،
و الجدم صعب جره
نطيح،انگوم نتوكل
لوطحنه ابالف حفره
ضوينه الطريج شموع نتحده
و بعين العدو جمره
فدينه الشاة و ابراهيم
متونس من إسماعيل طاع أمره
مشينه أبمنهج الأبطال
عار انگول مندثره
حنين أنذوب للأوطان
سكارى و عشگت الخمره
عشگينه المشانق ياعشگ مجنون
يا ليلى الوطن والناس متبحره
ذبحونه ابالف عاشور
سيف،أرماح و السچين محتره
بحر، لوشفته البحر مهيوب
الفخر محسوب للگطره
ليغشك غصن مكسور
بعدهي صامده الشجره
طبرما شالك الحطاب
أبشرك منتهي عمره
صنعينه الخشب تابوت
و حفرينه الدجل گبره
معرس يا نهر كارون
نخلك مستوي تمره
ابشر يا وطن منصور
صنيع ارجال منتصره
فاضل الاحوازي…نموت ويحيى الوطن
