ها يحـبـل المـشنـقة إشـلـونك ؟
حسبـالك علي و خالد يهـابونك ؟
من گبلو علـيـك إشبـيك رجفيت ؟
تعدمـهم تريـد؟ إهما يـعدمـونك ؟
شمالك شيل راسك خايف شبيك ؟
تعلّگهم تريد؟إهـما يعـلـگونك ؟
شنهي إشّفت بيهم خايف منين ؟
فشله و كلّك أصفر منجلب لونك
أشكّ انته إشنقتهم أعتقد شنقوك
لأن جاعد أشوف الموت بعيونك
ما شايف حبل إيخاف من الموت
يـعـني عادتـاً لازم يخـافـونـك!!
وآنه أسبـاب خوفـك أدري منيـن
وآنه أدري السبب شنهي يرهبونك
لأن عدهـم إرادة اتمـاطل إجـبـال
إتخاف إتشـيلهم تتگـطّـع متونـك
تدري إرواحهم تفرح إبطاري الموت
لهـذا انـت خـايـف لايـفـشـلـونك!
لأن تدري عزمهم لاوه چف الموت
يعني إهواي صعبة من يلاوونك؟؟!
وأكو سر إبوجودك منته عارف بي
او لجل هذا علي و خالد يعشگونك
لأن ريـحة المـوت إبكــل كـتر بـيك
إتفوّح واهـما عالريـحه يحـضـنونك
او تراه الموت ما يحله إذا ما
تطلع روحي من أجل القضية
وإلّا غــير هــاي الموته والله
حتى الفـاتـحة تـحرم عـليّه
***
طارق أبوفراس الأحوازي
