شعر شعبي من احد الشعراء الاحوازيين (ابن الكرخة) ارسلها لنشرها على مواقع الانترنت …هذه القصيدة بمناسبة يوم الشهيد الاحوازي.
هلهلي يالله يحرة هلهلي
و صيحي بصوتج هلة و مية هلة
هلهلي لخوتج يالله هلهلي
و بجالهم تبقين ولله امدللة
هلهلي الريسان من حب الحبل
و گالهه الاحواز ذمة برگبتي
و هو حياها و جتة مجبلة
گالهه اعله اوسادة ولله عيب اموت
و الشهادة اعله الوطن بلمقصلة
التفت لن شاف امه تنتحب
وگال لخته هلهلي يمعدله
فزت ولله بلشهادة اعله الوطن
و انتي لا تبچين ضلي مكحلة
انا اريدنچ تسندين الشباب
و لابسة اعباتچ و دوم امشيلة
هلهلي يالله يحرة هلهلي
و صيحي بصوتچ هلة و مية هلة
هلهلي لمحمد الجر الحبل
من ايد جلادة و هو العدلة
و هو من جابوه يم المشنقة
گام حباهه ..د شوف المرجلة
محمد العريس و احوااااااز العروس
احديثة بنت اربعطعش زفوهه اله
و العروس اتحنت ابدم الشهيد
العاف عرسة و الفرح ما كملة
و احنه نبارك لعدام الشهيد
و الشهيد اعله الوطن منغسلة
هلهلي يالله يحره هلهلي
و صيحي بصوتچ هله و مية هله
اشرايچ ابعدنان من گلهم علی
و الحمل لو طاح تنهض بيه هله
ولله من حكموه هم جاروا عليه
وگال للحاکم اموت و لا آعیش ابمهزلة
خو شفتي ناصر يوم هاجر للغرب
و راد ينشر صوت شعبه للمله
عمت عيني الأجل ضيع فرصته
و الطريق اللي مشاه ما وصله
ذوله و لله احواز بيهم تفتخر
هم ذول ابطال و اسباع الفلا
هلهلي يالله يحره هلهلي
و صيحي بصوتچ هله و میة هله
الشاعر ابن الكرخة
