هيه هيه بقلم شاعرها مرتضى ابوحیدرغوابش

-ارد اسولف عل قضيه…

-ياقضيه؟؟؟ هيه هيه؟؟

.- اي…. هيه هيه

عن قضيتي البيهه تاريخ الأماجد

راح مدري ابيا نويه

-يا قضيه ؟؟؟

.-هيه هيه…..

البيهه سلبوها الأراضي و راحت الشبان وياها ضحيه

الفاتت التسعين عام ؛ اتگربت للعام ميه

-يا قضيه ؟؟؟

.-هيه هيه…..

البيهه غصبونه جبر؛ظهر الحمر

و واحت اچفافي الحمر ؛ و ما اضن ترجع عليه

-اي قضيه ….يابه حگك لو گلت هايه قضيه

.-اي …. قضيه هيه هيه …

الــــوطـــن اكبر قضيه ….

ما اضن يرجع بلادي وما اضن نلتم سويه

ليش فرحنه الأعادي و الاخو يكتل بــ إخيه

-گلي شنهي هل قضيه

وليش ضليتو خطيه

وين شبان البلد ابيا كتر

ليش ما هزهه الضمير و رضت تبقه ابلا وعيه

.- خل اسمعك ابوذيه

اكتبتهه و تسعر ابگلبي صباح كل مسيه

حته تفهمني و بعد لــتلوم بيه و لا تگلي گول بالله يا قضيه

/ شسولف شحچي ظيم العلي شطري

اذا حته ابكتابي ضاع شطري

اشنفعتني الوعيه اشنفع شطري ؟؟

اذا مبيوگ من غصبن عليه /

اي …… هيه هيه

هاي هيه اهيه القضيه

*الــــوطـــــن*….يبقه الي اكبر قضيه

(و الله لا يگولهه )

خـــاف …. مايرجع اليه

خـــاف….. مايرجع اليه

خــــاف…..ما يرجع اليه

سيأتي الضياء

برغم الغيوم

⛅⛅⛅⛅⛅⛅

مرتضى ابوحیدرغوابش