تدثر صدر شطنه اومايطهر الميت
ذاك الچان بى شمس الله تتحمم
شطنه الچان روجه ايخوف السفان
ليش اليوم گاعه اطررت وجروحه تتلچم
نهرنه اخر محطه الشمس وگفت بي
لگته ابلامحطه اوگامت اتردم
الشمس كل ماتفلحط گبل تورد بيك
اتبخبخ روحه ابكارون وتسلهم
الشمس لوصوفرت خجلانه من كارون
ودنج الهامه ابخجل وتعظم
صورها ابا البوم كارون محفظوات
كلهن ذكرياتچ منجد او معجم
الصور والالبوم بيد الصوص انباگ
فضوهن اوقصر احلامچ اتهدم
اذا حتى الشمس حرموها من الماي
طفوو عينها اومابعد تتفلهم
طفت عين الشمس من نشف مي كارون
وجلب وجها الگمر على نهر ومدلهم
النجم معلن حداد اعلى النهر وينوح
لئن فاقد نديم الچان بي يلتم
گلي ابيافقه يامانع الماعون
وابي اسئلكم يلتصلون وعن كل الصلا ساهون
اذا اذن موذن وحنه يم كارون هم ايجوز وسط النهر نتيمم
افوض امري لسبحان وهوه ابهاي يتحكم
وشكيله الحزن وشكليه حال الهور
وعن وجنة البردي اليبساها الظيم
ليش ابلا سبب خيراته تتسمم
