مسجون الوطن من زغري اذاني
و انظر لسّمه بس غايب اهلاله
چنت ازغير ما اعرف انجوم اليل
بس ادري النجم للوطن يتلاله
سئلت النجم هم عندك خبر منّه
گال الوطن، عشگ النجم حياله
گال الوطن مسجون ابظلام اليل
بس نجمه، يضوي اليل و اليالة
گال انه الشهيد انه النجم ضاوي
كل نجم الوطن شاهد و شهدالة
گلت اعرف نجم يلمع چبير أهناك
ما اگدر اوصّف اسمه و اجلالة
گال الاسم ،خزعل و الأمير الكان
و استشهد غدر رمز العرب ناله
گلت انجوم كثرة اتلالي بعيوني
و سدت الجفن بس كلهن اگباله
گال السّمه يومية يزيده انجوم
و كل نجمة ال شهيد اضوي هنيالة
كُبرِت و سمانه النجم يكثر بي
بس باقي الوطن امسلسل ابحالة
سئلت النجم يمته اهلالنه انشوفه
و يهل هلت عشگ بجنوبه و اشماله
گال الوطن يسمع من تحن اعليه
بس هو ابسجن يعتب على ارجاله
صدگ هو ابسجن يعتب على ارجاله
