حرام الينكر المعروف وينسه اكتاب تاريخه
ذليل وحضر عجمي يصير، بس الخاطر الشيخه
يمشي ويشتري الخربوز ما قلهم البطيخه
يا عربي الحر يرضا بهايه
ـــــــــــــــــــــــــــــــــــــــــــــــــ
ما تنعد منرالعربان وليت العمه بعيونك
باجرمن يصير ازماط صدق ما يعدونك
ذليل اتعيش بين الناس والله وخابت اضنونك
والمثلك ما يملك غيره
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حرام الينكر المعروف وينساهن تقاليده
ويتبختر وقت نيروز وسمج الاحمر ابايده
وعيد الفطر شو ناسيه ما يدري ابوقت عيده
( ويعيد ويه العادونا )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المثلك ما بعد ينعد والله وريت ما شفته
يل ما بيك كل غيره وقلبي بسهم صوبته
امجد بل شهم كل يوم واضل اتفاخر ابجيته
( لن جيته اتطيبلي جروحي)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حرام الينكر المعروف وينسه امكان تربيته
يدري اشما يجر انفاس كل هاذه بفضل ريته
عيب الشادكاني ايقول ما قلهم فلاحيته
( ناكر معروف يسمونه )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وحق طه وعلي وجاسم الجددو هل ثوره
ما تنذل ابد هيهات احواز وتضل حره
نفوت اعله المنايه بزود وبعدهي السمره
( وخل يشهد بينا العادانه)
ــــــــــــــــــــــــــــــــــــــــــــــــــــــــــــــــــــــــــــــــــــــــــ
حرام الينكر المعروف وينسه ايام ماضيه
ينسه الشعر والاشعار وابيات الابوذيه
ينسه الهيل والقهوه وينسه الخيل وسباق الفروسيه
( ما ينعد من شيمت قومي )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ما تنذل ابد هيهات حره وداعتك حره
احواز وتضل نبراس وبقلب الخصم جمره
وحق دم الشهيد الطاح اتلاقي غضب ثوره
( ونجدد ثورة ماضينه)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ما ينعد من العربان يل مابيه سد فيه
كلام العرب هم ناسيه ويخجل من الجفيه
حرام اتعده من اهلي وشايل اسم عربيه
( ما ينعد من اهلي وناسي )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يمحمد ابد متموت، يارمز العروبا وسيفها البتار
تضــل نبــراس لتارخ وتعلم ادروس للأحـرار
انته ابن الــزويه الحيــد بيـــك احتارت الاشعار
(وبمحمد تفخر جفيتي)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حرام الينكر المعروف وينسه النخل وعثوقه
وينسه الشيم والاخلاق وينسه احواز مغصوبه
يوم انباقت السله، شاف ابعينه بس ما قال مبيوقه
( قللهم ما شافت عيني)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فرحي ببنج يل زويه وخله يشهد هل زمن
مارضه ابذل،عاش بلعز قام وتحده المحن
ضحه روحه الهاي قاعه وقال بس يحيه الوطن
( ولحواز الغالي انضحيله)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وحق اهل الفلاحيه ويه احواز ومحمره
نـاخـذ ثار بمحمد مو واحد ولا عشـره
دم الثوره ضل يفور وخله المادره يدره
(ويغرق ذوله العادونه)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
