عوف ذاك المضه و اكتب من جديد يلي رايد للوطن تكتب شعر
ثور اكتب للوطن و اكتب نضال و خل يظل قلمك ابين اهلك جسر
ثور انه ابقلمك و فكرك يصاح و خلي نگل اجدامك ايصير ابفكر
هوس ابحومه العزه و لا تروغ وساند اخوانك و الهم ظل ذخر
صير واحه وساحه في نفس الزمان وبتدي يا صاحبي من الصفر
شوف اخوتك ثارو ابشيب وشباب يلا ثورو حقق ابزود النصر
ثور يالاحوازي ثور اليوم ثور وبعد شتاني بعد و شتنتظر
حان وكت الموزمه ابسوح النزال الروح ملت يا بطل من الصبر
گوم يلا اليوم گوم ولا تهاب الموت هوه الموت ينطيك العمر
حوم فوگ اعداك وسجيهه الحمام ابعزم حز الوس منهه ولا تفر
ناوي بگلوب عدوانك يحيد و لاتخاف الاجل و امشي اعلي الجمر
سور اوگف للوطن و افدي الروح وتدري الحريه ما تقبل عذر
ثور ضد الفارسي ابقوه وثبات و خلي كل اهلك ابيومك تبتشر
خل تغير الخيل خل تسبگ الريح و ينجلي اليل و يطر ذاك الفجر
ثور مثل التونسي يوم الي ثار واخذ عبره و درس من ثوره مصر
ثورتك تختلف عن باقي الشعوب لئن گاعك بيد خصمك بالآسر
الشعب مل من الظلم و الاضطهاد اشكثر يتحمل بعد ضيم وغدر
نهضتك يا شهم تقرير المصير وغدا علو النصر بالحد ينتشر
